|
HVV Holtgast - Lieder und Geschichten |
|
Kuddelmuddel biet´d
Obendbrot!
Nu
is dat so wiet..nu hebbt se mi gaanz fein bi de Büx. Siet Januar 2006 sitten
wie, mien Fro und ick uns beid Wichter (söben und tein Johr olt) in Winnipeg.
Datt licht in Kanada und well sück dor so´n beeten utkennen deit, de weet ok,
dat man hier up een Kant englisch und up´t anner Kant ok französisch schnacken
deit. Dor wor wi nu sünd, word englisch schnackt und dorum dreiht sück dat ok,
worvon ick jo nu schrieben do. Mien
Arbeit is meest sülvich as Ostfreesland ok. De Firma hett hier ook een Wark un
wi moken hier de sülvige Krom as ok in uns Wark in Ostfreesland. In een Part ünnerscheed
sück datt Ganze ober un datt is de Spraak mit de ick mi hier utnanner to setten
hebb. Is´n bült Krom, watt ick de Lü hier so verklickern mutt, und dor mutt
man ok mennich mol in so´n Wörterbook kieken, damit een dat richtige Wort ok
infallen deit. No´n half Johr geiht datt denn all watt fixer un dat Wörterbook
blift denn ok woll mol watt länger wech. Dor word sück ünnerhollen över
technischen Krom und watt man woll ännern kunn, um datt so und so to moken,
denn mutt man ok mol schellen, wenn de Jungs hier weer nich inne Büx komen oder
man geiht obends tosomen in´t Kneip und drinkt noch´n fein (nich so lecker as
in Huus!!) Glas Beer. Denn sünd hier noch´n poor jung Kerls ut Dütschland
mitkomen, de hier ok för 2 of 3 Johr arbeiten. Nun komen de ober ut Bayern un
dor deist di denn ok watt stuur mit verstohn...wähnst di ober to. So is datt
denn immer´n gaanz fein henn un her mit dat schnacken. Kinner
mussen nu ja ok irgendwu no de School hen un dor haarn wi Glück, dat dat hier
in Winnipeg doch wahrhaftich een School geben deit, de ok deelwies in Dütsch
unnerrichten deit. Nich so wiet wech von door wohnen wi denn ok. Mien Fro löppt
denn mörgens immer mit hör na de School, nimmt uns Hund mit un ünnerwegens
dropt see denn ok mennich mol een an, de eben mit hör anfangen deit to
schnacken. Is bi hör denn ok nich eenfach, wiel du ja nett noch mit Kinner
hochdütsch schnackt hesst, de Hund weer torüch ropen musst (ofwoll de Kanodier
is und bloß hochdütsch versteiht) und denn frocht di de Nober, wu olt dien Köter
all is und watt dann woll för´n Schlach von Hund is?? Wenn se datt denn so
enigermoten up´t Riech hett, denn geiht ok all up´t Huus an, denn dor hett sück
een to´n Tass Tee anmeld. Ober von wegen und´n Tant Rieke oder
Schwegermooder...dor kummt denn een von de Mitschöler´s Moder un denn word sück
in englisch över sück´s lütchie Teetassen un komische Kandis-Zucker
unnerhollen. Is ja man nich all so, denn nu geiht datt wieder mit dörstampt
Bohnen und watt Hovergöört woll in Kanada heeten deit... Gegen
4 komen Kinner denn weer von´t School. Uns Lütchie mutt denn erst up´t Hund
an un denn frocht se hüm erstmol, "How his day" wer. Bi hör dürt
datt immer soo´n beeten, bit dat weer in´t hochdütsche umschlogen deit. Um
half fief bün ick denn ok meestens wer in´t Huus und denn geiht dat so
richtich los: Voder:
Moin! Moder:
Moin! Kinner:
Hallo Papa...how was your day? Moder:
Muchst du´n Tass Koffie oder Tee? Voder:
Is egol....where´s Benny (Hund)?? Kinner:
..im basement! er hat heute deine Socken gefressen Moder:
ick sünn dor gor nicht achter komen...de hett he woll funnen Voder:
..who cares?!...hee will ok sien Spoß hebben! Moder:
de Fro von´t Insurance-company un Mrs. Dingsbums von´t Immigration-office hett
ok anropen.. Kind:
I am hungry! Moder:
Ja, ich mach gleich Abendbrot auf den Tisch...geht man noch eben `Kids
channel`gucken Voder:
und nach dem Abendbrot werden dann aber Hausaufgaben gemacht!.......un? watt
wull´n de nu weeten von´t Immigration-office? Moder:
wi schöllt bi de Andrach wegen uns work-permit doch drup achten, datt wi uns
denn ok glieks bie´d Customs melden, anners kunn woll... Kinner
hebbt sück mittlerwiel in´t Hoor, weil de een lever Nintendo-Gamecube up´t
Fernseh spölen will un de anner ja National Geographic for Kids up Kanol 256
sehen much..... Voder:
Watt hesst denn in´t Pott verdoch? Moder:
ick hebb bie´t Inder weden un hebb uns mol so´n Teryaki-Chicken mitbrocht... Kind
(groot dochter): Papa...wir haben ab heute auch Französisch-Unterricht!!!! Uns
gefallt datt hier very good un wi vermissen our Ostfriesland auch very much, but
mit three Sprachen is datt mennichmol gar nicht so easy. Un
de Franzosen???....de könnt mi mol an´t..... Hol´t
jo munter! Frank
|